پشاور میں پہلے سٹیٹ آف دی آرٹ بلڈ ٹرانسفیوژن سنٹر کا افتتاح
پشاور میں پہلے جدید انتقال خون مرکز کا افتتاح کردیاگیا، مرکز سے پشاور سمیت صوبے کے چار اضلاع کے ہسپتالوں کو خون فراہم کیا جائےگا۔ حیات آباد پشاور میں جرمن حکومت کے اشتراک سے صوبے کے پہلے جدید انتقال خون سنٹر کا افتتاح وزیرصحت شہرام خان تراکئی نے کردیا ۔ سنٹر240 ملین روپے کی لاگت سے تیار کیا گیا ۔ سنٹر میں خون کے عطیات ابتدا میں چھ ہسپتالوں کو دئےجائینگے جبکہ بعد میں دیگر اضلاع میں بھی سنٹرز تعمیر کئے جائنگے ۔ تقریب سے خطاب کرتے ہوئے وزیر صحت شہرام خان تراکئی کا کہنا تھا کہ جرمن حکومت کے اشتراک سے جدید انتقال خون سنٹر کے قیام سے ہسپتالوں میں خون کی کمی کا مسئلہ حل ہوگا، جلد صوبے میں مزید تین سنٹر قائم کئے جائیں گے۔ خیبرپختونخوا حکومت نے سنٹر کو جدید الات فراہم کئے ہیں جوانتقال خون سے پھیلنے والی بیماریوں کی روک تھام میں مددگار ثابت ہونگے۔ سنٹرکے قیام کو ڈاکٹروں نے بھی سراہا ہے۔
No comments:
Post a Comment